الاسلام يحث على التسول

الاسلام يحث على التسول

طبعا العبارة دي ممكن تيجي في بال اي حد مش مسلم وساعات كمان بتيجي في بال المسلمين نفسهم ساعه لما يشوفوا الشوراع بقت مليانة بالعربيات ولاماتنساش طبعا المتسولين ( الشحاتين ) وكله بيكون تحت حناج الدين يعني تلاقي الشحات بيردد آيات الإنفاق من القران الكريم والاحاديث الشريفة ويوحي ليك انك لو اديته فلوس هروح الجنة على طول والعكس طبعا واخيرا انتشرت حركة الشحاته في مصر والي بتتطور كمان مع تطور المجتمع الى محطات المترو واللي انا بسميها الشحاته على الصامت واللي بيحصل كالآتي تدخل بنت او ست في عز الشباب وتوزع ورقه فيها الكلام اللي عايزه تقوله على كل الموجودين في العربية بتاعه المترو وطبعا الورقه مكتوب فيها نفس الكلام ونفس الايات والاحاديث مع اختلاف الشخصيات المتوفية وعدد الاشخاص المُعالة وده حصلي انا شخصيا كنت راكب المترو دخلت علينا واحده في محطة مسره ( ست في عز شبابها ومش بتروح تشتغل ) ونزلت في محطة سانت تريزا وفي محطه الخلفاوي دخلت بنت عندها كده 16 سنه وزعت ورقه برضوا بس طبعا احتلاف المتوفي وعدد الاشخاص واللبس عند 2 ما اقولكش حاجه ايه اخر موضه وشياكه بس التصرفات غلبانه ولفت انتباهي ايه بيوزعوها وهيا(( لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لا يَسْتَطِيعُونَ ضَرْباً فِي الْأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُمْ بِسِيمَاهُمْ لا يَسْأَلونَ النَّاسَ إِلْحَافاً وَمَا تُنْفِقُوا مِنْ خَيْرٍ فَإِنَّ اللَّهَ بِهِ عَلِيمٌ))(البقرة:273)وكمان الحديث اللي بيقول (( لاتجوز الصدقه لغني ولا لذي مرة سوي ) وذي مره سوي هو اللي ليس به عيوب يعني واحد في كامل صحته ولازم يكون الشحات لية المواصفات دي عشان ياخد كارنية النقابه ( نقابه الشحاتين )

1- اولا المسكنه الشديده جدا اثناء الشحاته

2- حاصل على دكتوراه على الاقل في فن التمثيل

3- لازم يكون الزي اسلامي ( اسلامي اسلامي مش اي حاجه ) يعني خمار على الاقل ده للشحاتة لمتبرجة وطبعا للرجال جلبية

4- ياسلام لو في طفل تشحت عليه

5- الشحاته تكون بواسطة ايات واحاديث من الاسلام

واخيرا لما واحد يشوف ده كله بنقول ليه مافيش شحاتين بيشحتو الانجيل مثلا ليه القران وليه كلهم مسلمين والله الوحد بيحزن عليهم من اللي بيعملوه في نفسهم وبيشوهوا صوره الاسلام

ياريت كله يشاركني ولو في حد عنده حاجه جديده يقولها

ورجاااااااااااااااااااااااااااااااااااااااااااااااااااااااااااء لو ما عندكش اكتب انا دخلت مش عايزين تعليق بس عايزن الناس تشارك