لازم نسمع الجمل دى من اهاتنا وامهاتنا

واحنا صغيرين بنسمع جمل كتير اووووى من ابهاتنا وامهاتنا لعايت ما حفظناها عن ظهر قلب ا وحبيت اجبلكوا شويه جمل كدة بس ياريت تعجبكوا

انت فاكرنا لاقين الفلوس دى في الشارع .

ما تتكلمش بصوت عالي في الحمام .

والله ما انت فالح .. وادي دقني أهه
ما تلزقش في التلفزيون كده .. نظرك هيضيع .

سلم على عمك كويس يا ولد .

يا ابني محدش هينفعك .

ما تطلعش ايدك من الشباك .
ربنا يرزقك بعيل يوريك اللي ورتهوني .

ما تطلعش على الملايه النظيفه و رجليك متوسخه كده .

نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

طلع ايدك من جيبك و انت بتكلمني .

ايه اللا مبالاه و الاستهتار اللي انت
عايش فيهم دول .

قوم يابنى ذاكر لك كلمتين ينفعوك .

وطي المدعوق ده شويه .
انت فاكرنا نايمين على ودانا ؟

يا ابني انت مسطول ولا ايه ؟

ما تلبسش القميص على اللحم زي العيال الصايعه .

بلاش أكل بره .

كلمنا لما توصل .

عيـــب ... لازم تحترم اللي أكبر منك .

لو شفت خناقه مالكش دعوة بيها .

ما تعليش صوتك .

وانت فاكر ان احنا مستنيين منك حاجه .

المسلسل مش هينفعك ...قوم ذاكر .

ما تقعدش قدام المروحه وانت مستحمي .

كفايه رغي في التليفونات .

بلاش وقفة الشبابيك و البلكونات .

اوعى تقول لحد هات لي حاجة .
طفي التلفزيون وقوم ذاكر . أو اطفي التلفزيون و خش اوضتك .

ربنا يهديك ربنا يهديك ... وأحيانا .. انك لا تهدي من أحببت .

بص كويس و انت بتعدي الشارع .

ومالها الكتب بتاعة الوزاره ؟!

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .
تقعد في أول صف قدام السبوره .

ما تردش عليا .

مش عايز اسمع صوت .