الرئيسية
SMILE 4 LIFE
التسجيل
دخول
أنا شاب لكن عمري ألف عام
**
أنا شاب لكن عمري ألف عام | |
وحيد لكن بين ضلوعي زحام | |
خايف و لكن خوفي مني أنا | |
أخرس و لكن قلبي مليان كلام | |
عجبي !!!! |
يا باب يا مقفول ... إمتى الدخول
***
يا باب يا مقفول ... إمتى الدخول | |
صبرت ياما و اللي يصبر ينول | |
دقيت سنين ... و الرد يرجع لي : مين ؟ | |
لو كنت عارف مين أنا كنت أقول | |
عجبي !!! |
إنسان أيا إنسان ما أجهلك
**
إنسان أيا إنسان ما أجهلك | |
ما أتفهك في الكون و ما أضألك | |
شمس وقمر و سدوم و ملايين نجوم | |
و فاكرها يا موهوم مخلوقه لك | |
عجبي !! |
- يا نجم .. نورك ليه كده بيرتجف ؟
***
- يا نجم .. نورك ليه كده بيرتجف ؟ | |
هو انت قنديل زيت ؟ أو تختلف | |
- أنا نجم عالي .. بس عالي قوي | |
و كل ما انظر تحت اخاف انحدف | |
عجبي !!!! |
وقفت بين شطين على قنطــــــــــــــــــرة
**
وقفت بين شطين على قنطــــــــــــــــــرة | |
الكدب فين و الصدق فيـــــــــــن يا تري | |
محتار ح اموت .. الحوت خرج لي وقالي | |
هو الكلام يتقــــــــــــاس بالمســـــــــــطرة | |
عجبي !!! |
يا طير يا عالي في الســــــما طظ فيك
***
يا طير يا عالي في الســــــما طظ فيك | |
ما تفتكرشي ربنا مصطــــــــــــــــفيك | |
برضـــــــــــك بتاكل دود و للطين تعًًًًودً | |
تمـــــــــص فيه يا حلو .. و يمص فيك | |
عجبي !!! |
كروان جريح مضروب شعاع م القمر
****
كروان جريح مضروب شعاع م القمر | |
سقط من السموات فؤاده انكســـــــــر | |
جريت عليه قطه علشان تبلعـــــــــــه | |
أتاريه خيال شعراء و مالهـــــوش أثر | |
عجبي !!! |
جالك اوان وعرفت مشي الجنايــز
***
جالك اوان وعرفت مشي الجنايــــــــز | |
كيف شفتها يا عبد رب اللذايــــــــــــذ | |
قال : شفت شيل بالحيل فقير أو اميـــر | |
كما شالوا في الخمامير فواضي القزايز | |
عجبي !! |
كيف شفت قلبي و النبي يا طبيـب
***
كيف شفت قلبي و النبي يا طبيــــــــــــب | |
همد و مات و الا سامع له دبيـــــــــــــب | |
قاللي لقيته مختنق بالدمـــــــــــــــــــــوع | |
و ما لوش دوا غير لمسه من إيد حبيب | |
عجبي !!!! |
سمعت نقطة ميه جوه المحيــط
***
سمعت نقطة ميه جوه المحيـــــــط | |
بتقول لنقطه ما تنزليش في الغويط | |
أخاف عليكي م الغرق .. قلـــــت أنا | |
ده اللي يخاف م الوعد يبقي عبيط | |
عجبي !!! |
قالوا الشقيق بيمُصّ دم الشقيق
***
قالوا الشقيق بيمُصّ دم الشقيق | |
والناس ما هيَّاش ناس بحق وحقيق | |
قلبي رميته وجبت غيره حجر | |
داب الحجر ... ورجعت قلبي رَقيق | |
عجبي !! |
يا للي بتبحث عن إله تعبده
**
يا للي بتبحث عن إله تعبده | |
بحث الغريق عن أي شيء ينجده | |
الله جميل وعليم ورحمن رحيم | |
إحمل صفاته ... وانت راح توجده | |
عجبي !! |
عيني رأت عصفور ووياه ابنه
**
عيني رأت عصفور ووياه ابنه | |
بيحدفه في الريح وياخده ف حضنه | |
نوبتين وتالت نوبه - عجبي عليهم - | |
كانوا سوا بيرفرفوا ويغنوا | |
عجبي ! |
بليز ردودكوا
ادم
ادم
