طبعا محدش فينا يقدر ييعيش من غير الدكاترة

طبعا محدش فينا يقدر ييعيش من غير الدكاترة

مع الاعتذار لجميع الدكاترة..........

> لما الدكتور يقول
الموضوع ده ما يستناش لازم نتصرف فيه فورا
يبقى قصده
لازم نلحق نعمل عليك شغل لأن لو استنينا هو هيخف لوحده وتضيع علينا الفرصة!!


لما الدكتور يقول
ايه تاريخك المرضى؟!!
يبقى قصده
عايز لأعرف أسامى الدكاترة اللى كنت بتتعمل معاهم علشان أعرف انت دفيع ولا.....!!!!


لما الدكتور يقول
استعمل الدواء ده وعدى عليا بعد بكرة
يبقى قصده
ده دواء لا بينفع ولا يضر تعالى لى بعد يومين أكون سألت حد بيفهم!!


لما الدكتور يقول
أشوفك بعد عشرة أيام
يبقى قصده
علشان تدفع كشف جديد انت مش قرأت اليافطة وانت داخل مكتوب عليها"الاستشارة فى خلال أسبوع من الكشف"!!


لما الدكتور يقول
lفى عندى خبر وحش وخبر كويس:عندك مرض خطير بس لو مضيعناش وقت ممكن نعالجه
يبقى قصده

الخبر الكويس انى أخيرا هشترى عربية مرسيدس والخبر الوحش انك هتدفع تمنها!!



لما الدكتور يقول
احنا هنتابع تطورات الحا له أسبوع كمان قبل ما نقدم على أى اجراء
يبقى قصده
الصبر طيب
يمكن البلوة دى تتحول لحاجة نعرف لها علاج!!


لما الدكتور يقول
انت محتاج تعمل شوية تحاليل
يبقى قصده
من الآخر أنا مش عارف انت عندك ايه يمكن الواد بتاع المعمل يعرف ينورنى!!



لما الدكتور يقول
اعمل التحاليل فى المعمل ده أنا بثق في النتائج بتاعتهم
يبقى قصده
بيدفعولى عمولة 40% من تمن التحاليل!!



لما الدكتور يقول
أنا هحولك على أخصائى يشوف حالتك أحسن منى
يبقى قصده
انت
صحتك زى الفل بس الراجل ده مزنوق فى قرشين وواجب ننفعه!!



لما الدكتور يقول
أنا هوصفلك دواء جديد ممتاز
يبقى قصده
هجرب فيك الدواء ده أنا محتاج حالات أعمل عليها البحث بتاع الترقية!!



لما الدكتور يقول
صحتك زى الفل
يبقى قصده
حاجة تزعل فعلا يعنى هدفع القسط بتاع الفيللا منين ياربى!!



لما الدكتور يقول
اذا الأعراض دى ما اختفتش خلال اسبوع عدى عليا تانى
يبقى قصده
الحالة بتاعتك مقرفة قوى لحسن الحظ أنا الأسبوع الجاى فى مؤتمر برة!!



لما الدكتور يقول
المضاد الحيوى ده ممتاز جدا مع انه غالى شوية سيبك من البديل الرخيص بتاع زمان بقى غير فعال
يبقى
قصده
مندوب المبيعات بتاع الشركة لسة خارج من عندى ومدينى شنطة دعاية جلد تجنن!!


بعتزر كمان مره للدكاترة بس الدكتور اليومين دول
واخد المهنه عشان لقب وعشان كسب
مش بيدوروا علي مصلحه البني ادم

دمك زى العسل
وانا معاكى 100 فى100
بس مع احترامى للدكاترة وبزات للدكاتره الى معانا فى المنتدى
ومحدش يزعل
ومستنيين منك الأكثر

ههههههههههههههههههههههههههه
ربنا يستر علينا والهي من الدكاتره

ومتزعلوش يا دكاتره بالزات بتوع المنتدي

هههههههههههههههههههههه
الكلام ده انا سمعته قبل كده فعلا
بس ذي ما فيه الوحش فيه القلة الكويسه اللي بتبشر بمستقبل ممتاز
علي العموم الدكاترة دول شريان الحياة الرابع ده في رايي

المهم ربنا يجعل كلامنا خفيف عليهم

شكرا علي ردكم
وربنا يجعل كلامنا خفيف عليهم فعلا

ههههههههههههههههههههههههههههههههه ....

دمك سكر و الله يا كنزي ................. فعلا الحاجات دي تقدري تسميها " القاموس الطبي للدكاترة " .. ههههههههههههههههههه ........ لكل جملة معنى " مميز " ............. برغم اني دكتور لكن مزعلتش ابدا و لكن ضحكت بالعبيط ............ و انا على فكرة كنت منزل الحاجات دي عندي عالجهاز لان اللي مقلفها اصلا واحد صحبي هههههههههههههههه و فكرت كتير احطها في المنتدى بس ما كانش في نصيب هههههههههههههه ....

بجد زي ما انتي قولتي الدكاترة اللي ما بقاش عندهم ضمير بقوا كتير قوي فعلا و " ربنا ينتقم منهم بجد " لانهم بيستغلو علمهم في " استغلال مرضاهم " و لكن ربنا يرحمنا من جشعهم .... و يا رب يجعلني عون للغلابة يا رب و المحتاجين و اني اكون سند ليهم ........... بجد هية دي امنيتي و بجد بدعي بيها كتير قوي لان مهنتنا دي الواحد لو " تاجر فيها مع ربنا " بجد ممكن يخش الجنة من غير حساب .. لانها مهنة انسانية في الاول و الاخر و لكن هناك من يسئ استغلالها .....

و لكن برضو عشان ابقى قولت كل حاجة بجد في كليتنا بلاقي دكاترة كتير جدا -- دا ان ماكانش كلهم -- بيتقو ربنا و بيعلمونا ازاي نتعامل مع المريض و ازاي نحس به و نقف جنبه .......... و بجد كلهم متدينين دا حتى في اوقات " الريست " تلاقيهم يسألونا في الدين و الرسول و الصحابة " بجد ربنا يباركلهم " .......

الدكتور / محمد السيريني ... أستاذ الطب الشرعي و الباطنة في الكلية عندنا دايما يقولنا : المريض لو اصغر منك عامله على انه ابنك ،، و لو أدك عامله على انه اخوك ،، و لو اكبر منك عامله على انه والدك .. بجد أد ايه الجملة دي اثرت فية جدا و كمان دايما يقولنا : عامل المريض على انه " مريض " ... شوفو أد ايه الجملة جميلة فعلا الواحد لازم يحس بيه كويس جدا و ما يتاجرش عليه و ما نعاملوش على انه " زبون " .............. هههههههههههههههههههههههههه

معلش طولت عليكو و شكرا ليكو و شكرا " كنزي " عالقاموس ده

مناجاة مريض (اعطنى يدك قبل داؤك)

انظر ياطبيب المستقبل هذا مريضك يناديك
ياطبيبى العزيز
لاتنظر لى بوجه شاحب .فتزيد يأسى فوق الامى
لاتصرخ فى وجهى .فيصرخ ألمى فى جسدى.
لا تنظر الى مالى .وانظر الى الامى .
فقد قالوا لى عنك الكثير
قالوا انك ستداوينى وتخفف الامى .
ستحارب مرضى من اجلى.
ستحيى الامل فى نفسى .
ستعاونى على صبرى.
ستخفف ألالام أهلى .
سترعى الله فى نفسى.
ستصلى من اجلى .
فأنت ان كنت مكانى .فلن تتحمل ألامى.
وان تحملت الامى .فستدرك معاناتى .
فانا ناجيتك من على فراشى .فهل ستدرك كلامى.

ياريت تقولوا رايكم ياشباب

كلامكوا جميل اوووى بس متنسوش ان الدكاتره دول شىء مهم فى حياتنا يعنى ملوك الرحمه
وربنا جعلهم سبب فى الشفاء ومش معنى كده ان كلهم تمام او كلهم مش كويسين لكن كل انسان بضميره
والله المستعان يارب

مممممممممممممممممممممم يا نسمة يا " راسية " انتي ........ ههههههههههههههههههههههههههههه

شكرا علي كلامك الجميل يا شمساوي
بس اقول حاجه بصراحه و من غير زعل
انا مش بحب حاجه اسمها دكاترة خالص والله لو بموت مرحش لدكتور
يوم مقول عايزة اروح للدكتور بكون بموت ومش قدره فعلا
ومعرفش ليه مافيش بيني و بنهم عمار
بس ربنا يجعل كلامنا خفيف عليهم
و شكرا علي ردكم كلكم

هههههههههههههههههههههههههههههههههههههههههه ........................ يا خوافة

لا مش مساله خوف والله
بس مش عرفه تيجي سيرت الدكاترة بترعب
تعرف والله انا المفروض في كيس زلالي في ايدي المفروض اعمله
كل ما افكر اني هاخد بنج وغرف عمليات وكده
ارجع اقول مش مستهله الموضوع بسيط
انا اروح المستشفي والكلام ده
لالالالالالالالالالالالالالالالالالالالالالالالالالالالالالالالالالالالالالالالالالا خالص

اولا الدكاترة شيئ مهم جدا فى حياتنا ولابد من وجودهم بس مش كل الدكاترة
فى دكاترة بتراعى ضميرها ودكاترة لا
وفى دكاترة اهم حاجه عندهم الفلوس حتى لو الاى قدامه بيموت
فربنا ينجينا منهم
واما عن الشعر الدكاترة يا شمساوى فبجد جامد اووووى
واحب اقول الى كل الى فى المنتدى ان الدكتور شمساوى عامل كسف للاعضاء المنتدى مجانى طول العمر بس بعد ما يتخرج
وكذللك الدتور احمد كمال هايصرف العلاج مجانى ايضا بعد ما يتخرج
فرصه الى كل الاعضاء والكل يآجل مرضه كمان سنتين
وميرسى جدا يا دكتور
بس احنا عوزين العنوان بتاع العيادة ..........بس لما تتخرج

ده انت بتدبسهم بقى؟؟؟
عموما ياجماعه الدكاتره شئ مهم فى حياتنا وزى ما قال الجينرال هما شريان الحياه الرابع
لاكن لما بيغلسوا بيبقوا احيانا سبب فى انتهاء الحياه
وشعرك جميل ياشمساوى بس ايه المواهب دى بس
ويارب تخلي دكاترة منتدانا احسن دكاتره ويشرفونا

هههههههههههههههههه حلوه منك يا كنزي مع ان كل الدكاتره مش كده ولو كده راعي شعوري انا وشمساوي
( اللي هنشفط دمكم احنا الاتنين ) هههههههههههههههههههههههههههههههه

هههههههههههههههههههههه
انا في الاول قبل مكتب الموضوع اعتزرت
وطلاما ادم قال ان شمساوي بعد ميتخرج هيعمل كشف ببلاش
و انت هتصرف العلاج ببلاش
انا معنديش مانع اني اغير راي وابتدي احبهم
يلا خليها علينا