نصائح للبنات و الاولاد

نصائح للبنات والاولاد بس إيه تضحك من القلب مع

الاعتذار لموت الاحساس

> >هنبتدي بالبنات

> >أولا : الولد بيحب البنت الرقيقة رفّعوا صوتكم يا بنات و أول ما تشوفى حاجه
> >وحشة .. سورقى يغمى عليكى من كتر الرقة عيطى كتير . العياط دليل على الاحساس
> >المرهف . أوائيله نكدى عليه الليلة .

> >ثانيا : الولد بيحب البنت الرومانسية سبّليله اسرحي كتير كلميه عن القمر و
> >حاجات من دى قوليله شايف القمر يا عتريس لازم تكونى هيمانة و انتى بتتكلمى و
> >يكون صوتك واطى ..يادوب وشوشة

> >ثالثا : الولد بيحب البنت المؤدبة قولى له انه اول واحد فى حياتك حتى لو كنتى
> >متجوزة قبل كده و حامل فى توأم..و لو سأل على انتفاخ بطنك قولى له كيس دهنى و
> >لو عارف و متأكد انه كان ليكي علاقات كثيرة زيه ردي عليه : دى كلها اشاعات ده
> >هما اللى كانوا معجبين بيا لكن انا ولا سألت فيهم كلهم

> >رابعا : الولد بيحب البنت الاستايل style كل ما تشوفى حاجه جديدة قلديها .
> >يقولوا الموضة الشعرالاصفر ..اضربيه اصفر .. الموضه القصير .. قصّريه ..مش مهم
> >شكلك ايه .. ماتصدقيش اللى تقولك ما تخديش من الموضه الا اللى يناسبك دى بتغير
> >منك و مش عايزاكى تبقي على الموضة
> >ملحوظة : لو مش عارفة ايه الموضة اختارى لك واحدة معينة او مذيعة و قلديها ..
> >خليكى نسخة منها .

> >خامسا : الولد بيحب البنت الدلوعة ادلعى ياختي انتي و هيّ .ما تبقوش دكُرة


> >سادسا : الولد بيحب البنت الجذابه اللى بتكون محور اهتمام الآخرين فهميه ان
> >فيه تانيين كتير معجبين بيكى و قولى له : ارجوك اوعى تغير انا حواليا كتير .
> >ولا بيهمنى أبدا منهم ايه يعنى اكون حلوة فى عينهم ألفي قصص وهمية عن الأولاد
> >الهيمانين فيكي و اللي انتى مدوخاهم بسحرك و جمالك
.
> >سابعا : الولد بيحب البنت اللى بتحسسه برجولته و تحسسه >بنفسه ايه ده ! .. ايه
> >العضلات دى كلها .. دى احلى عضلات شفتها فى حياتى يا سلام !! ايه الشياكة دى
> >كلها . انت أشيك ولد شفته فى حياتى .مش مهم هو لابس ايه .. انبهرى و خلاص يا
> >سلام !! انت تقاطيع وشك حلوه بشكل حتى لو كانت ملخبطه و طول مانتى قاعده اشكرى
> >فيه.. خليه كده قاعد نافش ريشه . و مزأطط ع الاخر

> >ثامنا : اتمحكى فيه ( الزقي له )خليكى دايما معاه كل شويه كلميه فى التليفون
> >بأى حجّة . قابليه فى كل حته يروحها إعملى عليه كمّاشة . بحيث مايعرفش يفلفص
> >منك و
> >لا يشوفش غيرك ادامه روحى له الشغل اكبسى عليه مع السكرتيرة .

> >تاسعا : عددى مواهبك اكلك لازم مظبوط قوليله انا ملحي فى الاكل لا كتير ولا
> >قليل وبعمل شاى سكر زياده وبلون البيض المسلوق .

> >عاشرا : رغم حبك الشديد للحرية والانطلاق قوليله انت مالك وقتى وتفكيرى مش
> >عارفه اعمل
> >حاجه الا انى افكر فيك مليت عليّا ايامى شغلت ليّا الزمن


> >النتيجة

> >لو الولد وقع فى دباديبك و قال عاوز يرتبط بيكى : اوعى تقولى ايوه لااااا
> >اتقلى شوية . اعملى نفسك بتفكرى .. سهريه .. لوعيه .. بهدليه ..لكن ماتتقلّيش
> >العيار ليطير منك

> >ملحوظة : لو الولد ما سألش فيك و لا عبرك . ولا أخد باله منك أصلا يبقى بنت
> >تانيه سبقتك ليه


> >ملحوظة : كررى الخطوات من 1 - 10مع ولد تانى بعد جمع معلومات و عمل تحريات
> >عنه و التأكد من انه فاضى . غير مرتبط

> >و ربنا يوفقك


> >نصائح الاولاد

> >اولا : بلاش تصدق اي حد يقولك ان البنت بتحب الولد العاقل (بشبوشي) لان الراجل
> >العاقل تعجب بية بس لكن مايخطفش قلبها ولو حبيت تعمل عاقل اعمل بس بمسكنة شوية
> >قال يعني انك المعذب في الدنيا وان الدنيا هي الي خليتك تستخدم عقلك وتموت
> >عواطفك يعني خليك حريك كدة وحسيسها انك محتاجلها

> >ثانيا : البت بتحب الواد الرومانسي يعني الي يضحك عليها يعني اهريها كلام حب
> >وياريت تمسك ايدها وتقولها انتي رجعتيلي حياتي اوعي تبعدي عني ....يعني تعملها
> >قيس كدة وهو جي علي الحمار المكسح

> >ثالثا : البنت بيانب ضمرها اوي الواد الي واخد بومبة يعني متفرقع من واحدة
> >تانية يعني يا ريت ترسم عليها الدور كويس وتقالها انها عملت وعملت الي انت كنت
> >بتحبها قبليها وانها سابيتك في عز احتياجك ليها ودمعلها وتقالها ارجوكي مش
> >عايز افتكر حاجة انتي عارفة يعني اية كرامة الراجل لازم تنزل دموع التماسيح
> >كويس اوي .......... حسيسها انك محتجلها ومتخفش هي زي الهابلة هتقع وهتصدق

> >رابعا : البنت بتحب الواد الاستيل والعضالات......... وطبعا انت الاستيل ممكن
> >تتصرف فيها وتستلف ملابس اي حد لكن المشكلة في موضوع العضلات انت ممكن تلبس
> >هدوم كتير علي بعض او حل تاني تقولها انك كنت عضلات زمان لكن من ساعة الي حصلك
> >من البت الي فاتيت وانت بتاكل في نفسك ومعلش انك هتحاول تاكل كويس وتلعب رياضة

> >خامسا : البت بتحب الواد ابو دم خفيف يعني بلاش تكون نكدي معها

> >سادسا : البت بتحب الواد الجاد في شغلة اوي يا سلام ترسملها الدور كدة كويس
> >اوي انك زويل في مجالك وانك بتعمل شغل ماحصلش وتحسيسها بالذنب بانك بتضحي
> >بوقتك علشان تكون معاها .......... طبعا لازم تكون ناصح علشان تكلم غيرها في
> >الوقت تاني ويا سلام بقا يا واد لوتحكيلها قد اية انت بتقاسي وانك مستحمل
> >العذاب علشان عش العصفور

> >سابعا : البت بتحب الواد الي يحسيسها بجملها وقد اية هي طيبة وغلبانة وذكية
> >وتحسيسها انها هتفضل جواك علي طول في كل لحظة رغم ان في كتير هيموتوا عليك
> >ولازم تخوفها كتير انك ممكن تضيع من غيرها وانك نفسك انها تكون اخر واحدة في
> >حياتك زي ما انت حاسيس انها الاولي حاليا يعني بالعربي حسيسها انها الاميرة
> >الحافية

> >ثامنا : اتمحك فيها كل شوية تكلمها وتحسيسها انها في بالك علي طول .......يعني
> >اول ما تصحة من النوم اتصل بيها او ابعتلها رسالة ولما تفطر ولما تتغدي ولما
> >تتعشا كدة يعني ويا سلام لو هي بتشتغل اقرفها كل شوية وكلمها وقولها انك قلان
> >عليها وانك مش بتستريح غير لما تكون في البيت......... قولها وحشتيني موت وانك
> >نفسك تكون معاك في كل لحظة يعني خليك واد حريك خليها كدة تحس ان ما فيش حد
> >بيحبها في الدنيا دية قدك

> >تاسعا : حسيسها انك واد بس اة ست بيت بتعرف تعمل كل حاجة وهتساعدها في
> >بيتكم......... بالعربي كدة عرفها انك هتشارك معها في كل حاجة قولها يا حياتي
> >دة انا نفسي اخليكي اميرة تقعدي كدة والناس كلهم يخدموكي دة انا يا توتة اخدمك
> >برموش عنيا حتي لو رموشك وقعة عرفها يعني انك راجل بمعني الكلمة يعني كدة تكون
> >سبع رجالة في كرتونة واحدة

> >عاشرا: بالرغم من انك راجل شرقي قولها انك بتامن بحرية المرأة وان المراءة
> >تلبس الي هي عايزة بس في حدود الادب وانك عايزها تلبس كل الحلو ليك بس في
> >بيتكم ....يعني حسيسها انك بتفهم في الزوق ولو ما تعرفهوش هات كتاب الحياة
> >........عرفها انك واد حمش

> >الحادي عشر: حسيسها انك راجل مخك كبير اوي وانك هتستحملها في وقت غضبها رغم
> >انك عصبي ودية علشان تعرفها قد اية انك بتحبها وعرفها انك هتقف جنبها في كل
> >مشكلها .........ولما تحصل مشكلة يبقي اتلككلها علي اي حاجة

> >الثاني عشر: عرفها انك مش بتحب اي حد يكلمها غيرك وانكم زي بعض في كل حاجة حتي
> >من كتر حبك ليها انت بقيت شكلها ........قال يعني هي مسيطرة عليك

> >الثالث عشر: قولها ان مافيش حد هياخد مكانك وانك مهما تعملي هفضل احبك بالرغم
> >ان دية مش مبادئك بس سبحان اللة انت مستعد تتنازل عن اي حد في الدنيا الا
> >انتي........... عرفها انك عندك مبادئ وانك متمسك بيها


> >النتيجة


> >لو البيت وقعت فيك وماتيت في دبابيبك فتحها في موضوع الارتباط واشرحلها ظروفك
> >الي ذي الزفت وانها هتتعب بس في الاول ........بس هتشوف حياة تانية خالص بعد
> >الجواز وانك حبك هيكبر ليها بعد الجواز خليها تحلم بالجنة الي عمرها ماهتشفها
> >واعمل انك نفسك انها تكمل معاك للنهاية وانك خايف لمتستحملش معاك المشوار يعني
> >اتقل عليها شوية وحسيسها انك خايف منها .....امال خليها هي الي تقرب وانت افضل
> >مكانك بس مش كتير اوي احسن تزهق وتفوق

> >ملحوظة: لو البيت عمليت عبيطة ومش واخدة بلها منك افهم انها مقطعة السمكة
> >وديلها وانها سمعت الكلام دة كتير قبل كدة

> >ملحوظة: كرر الخطوات السابقة مع بيت تانية بس بعد ما تتاكد انها مرتبطيتش قبل
> >كدة وحاول تنقيها تكون صيادة سهلة

> >خالتك ام كنزي و احمد.....أهو عملنا اللي علينا و سلحناكم بالعلم اللي ينفعكم


> >و ربنا يهدي سر الجميع و يجعله عامر

> >يلا بااااااااااااااااااااااااي








> >كل بداية ولها نهاية وكل نهاية ولها بداية


جربوا و ردوا عليا مستنيا الرد

هههههههههههه

والنبي انتي طيبة



انا موافقك في شوية حاجات وشوية لأ

علي العموم شكرا علي الموضوع الهادف النبيل في سبيل خدمة الانسان ده
ربنا يوفقك
و يابخت من وفق راسين في الحلال

شكرا علي ردك علي الرساله
بس كنت عايزة اعرف ايه الحاجات المتفق معايا فيها
و الحاجات المختلف فيها

ههههههههههههههههههه
الدنيا كلها كدب فى كدب
المهم انه لما يتص فى نصرة وامه تدعى عليه ولما يتجوزها ويعرف كل حاجه ايه العمل ؟؟؟؟؟
ـــــــــــــــــــــــــــــــــــــ
ادم

ههههههههههههههههههههه .........
جامدة بجد و لكن يا كنزي اغلبها " كلام مش حقيقي " .......... طبعا انا بتكلم بالنسبة للولد و هوة بيحب ايه و مش بيحب ايه............... هوة أه في ولاد كتير بيحبو التفاهات الكتير دي اللي مالهاش لازمة و لكن مش كله .............. و لكن" بيني و بينك " الواحد لو اتصرف بطبيعته هتبقى الامور أظرف كتير