اسئله تبدا بكلمه ليه بس تموت من الدحك ؟؟؟؟؟؟خوش وشوف

أسئلة تبدأ بكلمة لية بس تموووت من الضحك


الموضوع بيتكلم عن أنك ممكن يكون فية سؤال بنسئلة فى اوقات لكن لو فكرنا فية نلاقى انة مالوووش معنى اصلا


او انة مالوش اجابة و لو جاوبنا علية هنلاقى ان الاجابة بايخة جداااااااااا


او افعال غريبة بنعملها تلقائيا لكن بردو ملهاش معنى

اسيبكم مع الموضوع و متنسووش الردود


1-ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة؟

2-ليه لما بتكون بطارية الريموت شبه فاضية ، بنضغط على الزراير جامد ؟

3-ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟

4-ليه بنقول هدية مجانية ..؟ مش المفروض إن الهدية تكون مجانا ولا بفلوس ؟

5-ليه لما نكون جوه المنزل والسماء بتمطر بنسأل هو الجو بيمطر بره ؟

6-ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

7-ليه الخدمة بتكون سريعة لما المطعم يكون مزدحم أكتر من لما يكون نص نص ؟

8-ليه لما الواحد بيركن السيارة فى موقف فاضى اللى جاى وراك بيركن جنبك ؟

9-ليه دايما لما حد بيجري يلحق الأتوبيس تلاقيه مبتسم أو بيضحك ؟

10-ليه بنفتكر إن لما ندوس على زرار الأسانسير كتير هاييجى بسرعة ؟

11-ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود و الزرار منور أصلا ؟

12-ليه دايما عندنا إستعداد تام إننا نصدق أى حد بيكلمنا فى ودانا بيوشوشنا ؟

14-ليه لما بنتصل بالتليفون دايما النمر الغلط مابتكونش مشغولة ؟

15-وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة ...أو حتى أرقام الكيبورد؟

16-وبمناسبة التليفون ليه لما واحد يعطيك رقم تليفونه بيقوله بسرعة ؟

17-ليه لما بنصحى من النوم دايما بنحس إن كمية النوم ناقصها عشر دقايق ؟

بس كدة خلصوا يا رب يكون الموضوع يعجبكم
تحياتى

مستانيه ردوتكم

tooooooooooooteeeeeeeeeeeeey

و الله بجد انتى لمستى حاجة غريبة فعلا الواحد بيعملها بدون قصد و فعلا ملهاش معنى
و الله بجد انتى تمام اوووى فى الموضوع دة
و نتمنى المزيد

بجد والله يا توتى فعلا الواحد مش لاقى رد وان اتلاقى هايضحك على نفسه من الى بيعمله
بجد موضوع جامد ومجهود رائع جدا
ــــــــــــــــــــــــــــــــــــــــــ
ادم

اولا مرسي علي ردتكوم انا نفسي لما بقرا الاسئله دي مش بعمل حاجه غير اني بقعد ادحك علي نفسي احنا ليه بنعمل كده ؟؟؟؟؟؟؟؟

هههههههههههههههههههههههههههههههه

لا بجد موضوع جامد و جديد و فعلا مش لاقي اجابات للاسئلة دي خالص

مرسي لمرورك واهتمامك ميدو