نحب نتعرف .......

انت يا عم

أيوة انت يا عم

واقف بعيد ليه

ما تيجي تقف معانا

و تعرفنا بنفسك

اسمك

سنك

عاوزين نعرف ايه إلي بتحبه

إلي بتكره

حاسس بإيه

بتحلم تكون ايه

من الأخر تعالى و فضفض معانا

و احنا هنسمعك

زي ما عيزينك تسمعنا

وانا هبدأ بنفسي

انا احمد كمال

اتولد في الامارات وعشت حياتي كلها هناك اول مره اجي فيها مصر سنه 2006 عشان الجامعة وأخذت شهادة الثانوية من الامارات .

عندي دلوقتي 19 سنه .

انا في كلية الصيدلة بجامعة القاهرة ( ودي كان ليا معاها قصه كبيرة اوي كان عايشها معايا الهندسة محمد عبدالله ) .

بحب الصداقة الجامده اوي مش مصاحبة النهارده عشان هاخد منه حاجة بكره .

حاسس ان شاء الله انو هيكون ليا مستقبل حلو ومشرق كمان ( وده اتمناه لينا كلنا بدون استثناء ) .

بحلم ..... بصراحة بحلم اكون عالم بعد ما دخلت كلية الصيدلة القسم الاكلينيكي (clinical pharmacy ) اني اخترع دواء جديد يعالج احدى الاماراض المستعصية ابتغاااااااااء مرضاة الله وعشان انفع بيه الناس وربنا يوفقني يارب ويعني .

اتمنى ان اكون اصحااب جدد من المنتدى

الله عليك موضوع حلو كتير وهيقرب اعضاء المنتدي من بعضهم الي حد ما

انا اسمي تغريد وبيدلعوني يقلولي يا توتي ههههه عندي 18 سنه وشويه

اتولد في مصر ولم اتركها ابدا ....

في كليه الفنون التطبيقيه قسم ديكور كنت بحب الكليه قوي السنه الي فاتت في اعدادي يعني بس كرهتها اول ما اتخصصت وشوفت الويل

كان نفسي ادخل هندسه اوي اوي بس الحمد الله ربنا ما اردش اني ادخلها ومقطنعه اوي ان ده الي ربنا اخترهولي يبقي ده الافضل بالنسبه ليا

احب اصدقائي جدا جدا ولكن الاصدقاء بمعني الكلمه والفعل ولا احب اصدقاء المصلحه ابدا اكرهم جدا

اجتماعيه الي حد ما ومرحه جدا احب الضحك والهزار والفرفشه جدا

حساسه الي درجه كبيره جدا ولكن لا ابين لكي لا احرج الشخص الي امامي لنوا يمكن يكون غظب عنوا

نفسي اخلص الكليه ويبقي ليا اسم في عالم مصممين الديكور واشارك في المعارض العالميه مثل معرض لومارشا

مثل الدكتور خالد محرز وزوجته الدكتوره كريمه

وهيه دي انا تقريبا يعني وبسسسسسسسسسسس

اولا ده موضوع بسيط وجميل
علي العموم

انا اسمي محمد وشهرتي مصطفي
انا في اسواء كلية عرفتها البشرية عرفتها طبعا
هي علوم
وانا فرقة 3 شعبة فيزياء حيوية وطبية
ذيكم كلكم بحب الصداقة
وبحب الموسيقي الهادئة جدا واي رياضة غير عنيفة (كرة قدم سلة يد هوكي)
والحمد لله بفهم في معظمهم
نفسي اشتغل في واحدمن مجالين بتوع شعبتي
يا الوقاية الاشعاعية
او مجال الاندماح او الانشطار النووين
عارف حلم مستحيل
المهم
حاسس اني لوحدي في الدنيا بجد
عمري ما كان ليا صاحب
نفسي المنتدي ده يبقي رقم 1 علي مستوي العالم
نسيت اقلكم اني بحب اجرب اي حاجة
في حدود المعقول طبعا

ممتاز يا دكتور على الموضوع الجميل دة
وممكن الموضوع دة يقربنا اكتر من بعض ويخلى ان اى حد عندة مشكله يقولها واحنا ممكن نحلهالو

انا اسمى مصطفى وفى ناس بتقولى يا ادم
فى كليه تجارة ( الصين الشعبيه ) هههههههه طبعا ماكنش دة حلمى بس اكيد ربنا بيعملى الى فى مصلحه ليا
عندى 19 سنه اتولد فى مصر وعايش فيها لغايت دلوقتى ونفسى اخرج منها ( علشان شغل)
طبعا نفسى اشتغل فى بنك يعنى زى (البنك المصرى الامريكى ) مش حبا فى امريكا لاكن علشان مميزاته جامدة اوى
احب جدا الصداقه الى من القلب مش المش هاتعوز وشه النهاردة بكرة تعوز افاة يعنى بتتقال كدة على صحوبيه المصالح
الحمد لله كل الى انا جبى مصاحبنى جدا واسرارهم كلها معايا وانا اعتز بدة على انهم استئمنونى عليها بس انا صعب اوى فى اختار ليا صديق واصدقائى الانتيم اوى قليل جدا
بحب جدا الشعر وزى ما شفتوا فى المنتدى
ــــــــــــــــــــــــــــــــــــــــــــــ
ادم

مرسى دكتور احمد كنت ناوية اعمل الموضوع ده بس عموما انا وانت مفرقتش كتير
انا عائشة السيد وبيقولولى عيوشة
كلية التربية النوعية قسم حاسب الى جامعة المنصورة الفرقة التانية بتقدير جيد جدا
كان نفسى ادخل حاسبات ومعلومات لاكن الخيرة فيما اختارة اللة لاكن ناوية اكمل دراسة كمبيوتر سنس
هكمل 18 سنة يوم 26 يناير
اتولدت فى السعودية وجيت مصر اول مرة 1997 ونفسى افضل اعيش فى مصر بقيت عمرى
بحب الاصدقاء الاوفياء وعندى منهم كتير
اجتماعية مرحة محبة للحياة وشاعرية مغامرة وطيبة زيادة عن الازم وهوائية وتصرفاتى اشعر انها غير مسئولة فى بعض الاحيان وعندى امل لما اكمل 18 سنة انى اعقل
بحب الانترنت والقراءة(موت) والموسيقى الهادية الرومانسية والافلام الوثائقية واكون مع بنت اختى (هند)
بحلم ان مصر تكون احسن بلد فى العالم
وبحلم اكون مهندسة كمبيوتر قد الدنيا

انا سعيد بمعرفتكم كلكم

واتمنى ان اللي ما عرفوناش عليهم يعرفونا بيهم ولا هما مش عايزين يتعرفوا علينا

شكرا محمد
شكرا ادم ( مصطفى )
شكرا تغريد
شكرا جنرال
شكرا عيوشه
شكرا احمد سعودي ولو انت ما كتبتش بس انا عارف انك كتبت كلام جامد بس ما حصلش نصيب انو احنا نشوفه والاعمال بالنيات
شكرا ليكم كلكم وكل اللي في المنتدي

بجد موضوع جامد اووى يا دكتور وبجد انا مشاركتش من زمان لانى جديد فى المنتدى وكله بفضلك يا دكتور
والموضوع لذيذ اوى وبجد احب اتعرف بكل اللى فى المنتدى
انا اسمى عمرو اسماعيل
اتولدت فى مصر وعندى20سنه عشت فى مصر ومش ناوى اسيبها
انا فى كليه تجاره جامعه عين شمس الفرقه التالته
وعلى فكره انا من اشد الناس كره فى الكليه دى واى كليه تانيه نظريه مش تجاره بس بالعكس كل الكليات
انا مكنش طموحى انى اخش مجال المحاسبه ولاكان املى اطلع دكتور ولا مهندس
بس بجد كنت بحلم اخدم فى المجال العسكرى وقدمت شرطه وحربيه سنتين ومقبلتش وبصراحه فى الاول كنت
زعلان لكن بعدكده حست ان الموضوع بتاع ربنا وانها ماكنتش مقسومه واكيد ربنا شيالى حاجه احسن
بحب الصداقه الجاده المبنيه على الحب مش المصالح من طرف واحد ولا المتبادله لازم يبقى الحب والصداقه
لوجه الله حب فى الانسان نفسه مش طمع فى مصلحه وراء منه
اجتماعى لدرجه عاليه بحب الناس وبسعى انى اكون محبوب بين الناس
بحب الرومانسيه وبعشق كاظم الساهر بحب المغامره واحب اخوض الصعاب
عندى احساس انى هخش المجال العسكرى رغم فشلى فيه ولو مكملتش فى المجال العسكرى
بحلم اكون شغال فى شركه بترول وبجد نفسى اشوف مصر فيها الناس لهم كرامه مش اخر حاجه فى البلد
على فكره مش حقد عليها ده عيب فى الحكام
وبجد بطمع اكون صديق لكل واحد فى المنتدى

شكرا ليكو كلم ممكن برده نتعرف على الاعضاء الجدد اللي سجلو جديد في المنتدى