اتمنى!!!!

بسم الله الرحمن الرحيم

طبعا الموضوع اتمنى !!!
وبصراحه مش امنية واحدة دول كتييير
اولا ً :
ثانياً :
اتمنى ان تكون مصــــر زي دول اوروبا في النظام والالتزام بالقوانين والنظافه والمشكله بتلاقي كتييير شباب مثلا بترمي فضلات على الارض وتقوله ليه كده يقولك يا عم نفض دي حاجه صغيره ولو كل واحد عمل زي صاحبنا كده الدنيا هتخرب لكن لو كل واحد التزم وقال مش مهم اكون انا الاول بس المهم نلتزم والله هتقلاقي بلدنا دي غييييييييييير وبصراحه الشعب بتعنا شعب حضاري جدا وقادر على عمل شي .

ثالثا :
مترو الانفاق هههههه

دي مجموعة من امنياتي لسه في كمان يا ريت تردوا عليا ولو في امنيات لحد يقووول علي

امنياتك حلوه قوي بس تفتكر الحاجات دي هتتطبقي في بلادنا اصلا اولا احنا الدنيا عندنا باظت علي الاخر بقينا شعب سوري ........ علي الرغم انا احنا كنا اعظم الشعوب
الجامعه دي ليا فيها امنيات كتييييير اولها ان كل واحد يحاسب علي المجهود الذي يبذله بالزات في الكليات العمليه يعني انا مثلا في كليه افنون التطبيقيه وسوري احنا الكليه بتاعتنا بتمشي بالكوسه وده طبعا مش مع كل الدكاتره بس لما تكون عامل شغل كويس قوي ورايح تتقيم عليه وانت شايف ان الشغل بتاعك احسن من شغل ناس تانيه وتبي خلاص بقي مطمن انك هتجيب درجات عاليه وتلاقي قطقوقه (زميله )(زميل )داخل يقول الدكتور عمو الدكتور فلان بيسلم عليك اخخخخخخخ انت كده روحت في الرجلين طبعا الدكتور صاحب عم القطقوقه فطبعا امتياز ....... وحنا واقفين ما بيدينا شيئ غير ان نقول حسبي الله ونعم الوكيل لاننا مش نقدر نتكلم ودي ابسط حاجه الواحد بيعاني منها في الكليه بصراحه
اما ان تكون مصر دوله اوروبيه كل انسان يعيش في مصر يتمناها دوله اوروبيه وكلن من غير ما يتعب ويشوف العيوب الي فيه وفي غيره لاننا مش عاوزين نتعب زي ما قلت انت الواحد لازم ياخد خطوه ايجابيه في حياتوا ويبدء بيها ولو كل انسان اخد الخطوه دي في حياتوا احنا باذن الله هنكون احسن من اوروبا واتمني ذلك
اما متروا الانفاق ده بقي انا بعاني منه موووووووووت يعني ببقي مطبقه جوه واللهي وياريت يلاقوا حل للازمه دي
اما عن امنياتي
اتمني ان نقرب من الله اكثر ونمشي شويه علي الشريعه الاسلاميه باذن الله لو فعلانا ذلك هنكون احسن شعوب العالم بس احنا نقرب من ربنا ونعمل بالقران الكريم مش يبقي مجرد ان احنا مسلمين بس مش عارفين الاسلام بيقول ايه
اتمني ان اخلص الكليه علي خير وسلام واتمني ان اكون من المتفوقين واعمل حاجه تفيد البلد يعني ابرز نفسي في المجتمع
يااااااااارب تقبل منا دعائنا وصلاتنا اللهم قونا بالايمان وابعد عنا الشيطان الرجيم ووجهنا الي الطريق المستقيم يااااااااااارب

اولا يا tagreed ليه بتقولى احنا كنا احسن شعوب ليه خلتيها فى الماضى ليه ماتقوليش انك الى وقتا هذا انتى من افضل الشعوب ليه انى مش واثقه من نفسك فى مقوله بتقول (احترم نفسك تحترمك الناس )بس انا ما اقصدش المعنى الحرفى للكلمه انا اقصد انى ك تثقى من نفسك تثق فيكى الناس
احنا لما شوفنا الدكتور احمد زويل العالم المصرى الى هو من الارياف الى عمرة ما شاف فى حياته الا الزرايب والجواميس والجله (سورى فى اللفظ ) لما سافر برة واتحطط ادامه كل الاجهزة والامكنيات الحديثه ساعتها بس شوفنا العقل المصرى
ولو حطينا اى واحد مصرى فى نفس المكان بس الى فى مجاله ومعاة كل الامكانيلت هايكون هو الافضل على العام بدون منافس بس ماتقوليش هو جمبيه الامكانيات كلها حواليه فلازم يمل كل حاجه بس لقولك والله انك لوجبتى حد تانى مش هايعرف يعمل الى هايعمله المصرى يا جماعه خلوا عندكوا ثقه بانفسكم
اما بالنسبه للدكتور احمد كمال
فالنسبه للموضوع بتاع الجامعه هو انت عندك حق بس ما باليد حيله وهذا لشسبب
انت عندك جامعه القاهرة مثلا بتخرج سنويا لا يقل عن 30000طالب وعندك عين شمس نفس النظام وعندك وعندك جامعات مصر كلها اولا كويس اوى ان الطالب بتاع جامعه القاهرة بيدفع (120-150)جنيه مصاريف السنه فى الجامعه احسن من دول الاوروبيه بكتير الا بالالوف لكن العدد القليل دة الى انت بتتكلم عليه دة ما يتعملش الا فى جامعات الخاصه اوى زى الجامعه الامريكيه مثلا الى ممكن يكون عدد الدفعه كلها حوالى 100 فلما تيجى تقسمه وتخليه سكشنين او تلاته هايكون ممتاز لكن لما تيجى لكليه واحدة زى الحقوق او التجارة فى جامعه القارة وعدد الدفعه بتاعى 10000 وتيجى تقسمه سكاشن هايكون ازاى لو بالعدد الى انت بتقول عليه اكيد صعب ودرجه صعوبته الى هى =الاستحاله
اما عن موضوع المترو فانت عندك حق على الرغم من انى ما بقدرش اخد نفسى وبحس انى هاموت من الخنئه بس هى بتوفر عليا وقت كبير فى المواصلات بس ماتنساش ان عندك 80 مليون مواطن اة اكيد مش كلهم بيركبوا المترو بس الى بيركب فة اليوم بيعادل 4 او 5 مليون من ال80 مليون وكمان فى خط تالت هايتعمل والحمد لله البلد كلها مخرومه سواء من المترو(الخط الاول او التانى او التالت الى هايتعمل ) او سواء الطرق او سواء الكبارىاوسواء الكبارى الى بتتعمل فوق الكبارى علشان الناس تلحق تمشى من غير زحمه وكمان ما تقلتش البلد كمان 10 سنين هاتكون موقف عربيات ومش هتلاقى عربيات بتمشى علشانم مافيش مكان تمشى فيه
اماموضوع انك انت تبددى بالصح انت عندك حق جدا وماقدرش اتكلم معاك فى حاجه فيها لازم كل واحد يبدا بنفسه حتى نصبح شعب متحضرا لماانت تبدء من نفسك وماتبصش للحواليك وماترميش القمامه فى الشارع وتقول خلى الزبالين يسترزقوا لا ياعم ارمى القمامه فى مكانه الى هى الصندوق بتاعها نش تروح للصندوق وترمى حوليه علشان انا مخنوق جدا من الموضوع دة جدااا تلاقى صندوق الزباله فاضى وحواليه زباله قد الجبل انا مش عارف ليه هل هو كسل ولا ايه ؟!
من فترة قليله اجتمع الدكتور احمد نظيف مع العالم الدكتور احمد زويل واستمر الاجتماع 3 ساعات متواصله وكانت نتيجه الاجتماع ان الدكتور احمد نظيف وافق على بناء الجامعه الى طالب بها لدكور زويل
وانا اتمنى واحلم ان يجتمع الدكتور احمد نظيف مع العالم الدكتور فاروق الباز ويستمر الاجتماع 3 ساعات متواصله ويكون النتيجه بموافقه على بناء المشروع الذى اصبح حلما للدكتور فاروق وللشعب المصرى كله وهو بايجاز شديد اوى اوى ( انه هايحفر ترع توصل بهر صناعى موازى لنهر النيل فى الصحراء وممكن ان اى حد يبنى على ضفاف النيل الجديد وتكون مصر تانيه جنب مصر ونقدر نشم نفسنا من الخنقه الى احنا فيها)
والله الموفق
ـــــــــــــــــــــــــــــــــــــــــــــ
ادم

يا حماعه للعلم
احنا تاني احسن شعب في العالم
وكل الدنيا عارفة كده
علشان كده بيحبطونا
اولا
مش احني بس اللي الدكاتره بيتحكموا في مصيرنا
ده عرف في كل الدول
تمام
مشكلتنا في عددنا المهول
وده اللي يخلي الدكتور يفكر يستنفع من ورانا
المشكلة التانية في قلة الامكانيات
وده اللي بيخليهم يضمونا في مجموعة واحدة
ثانبا
المترو
هههههههههههههههههههه
ياجماعة لو نفتكر
ده اساسا قطر علشان مشوه تحت الارض خلاص بقي مترو
يعني كل دي شكليات وبس
عكس مترو المرحلة الثانية اللي بيقف قريب جدا من السهم
يعني هي عملية تظبيطات بسيطة
ثالثا
مصر قريبة جدا من الدول الاوروبية
مشكلتها الوحيدة هي الشعبيات والعشوائيات
والمصيبة ات بتوع السيما مفكرينهم حاجة كويسة
وبيعملولهم افلام
هما نسيوا ان الافلام دي بتخش بيوت وان ممكن يتعرف عليهم اطفال
بكده انت خليت الطفل يفكر بعقلية كبار السن
لا وانهي ناس دول بتوع العشوائيات من اللمبي وعوكل وبوحة وشيكمارا وامثالهم اللي موديانا في داهية





عايز اقول حاجة
ياريت ماتبصش للنص الفضي من الكباية
افتكر ان في نص مليان وياريت بجد نحاول نحافظ عليه
وننميه
لان ذي ما عندك اللمبي عندك عظماء
مثلا
د ايمن محروس (رقم3 علي العالم في مجال الاشعة الكونية)
د عبد الحكيم قنديل (رقم 1 علي العالم في الكيمياء النووية)

انت ياجنرال متفائل جدا ودة كويس بس احنا لازم نبص للجزئ الفاضى عشان نملاه
بالنسبة لموضوع الكلية بتاع احمد
على فكرة انا دفعتى 100 طالب بس ومع كدة لا ينفذ هذا النظام يعنى العيب مش فى العدد
صحيح احنا مصاحبين الدكاترة ويعرفوا كتير مننا بالاسم وكذلك المعيدين ودة بينفعنا جدا لانهم حتى لو انت حليت وحش فى الامتحان لسبب نفسى هما بسبب معرفتهم السابفة بيك بيقدروا دة جدا وبيعطوك حقك الحقيقى
ودة ميمنعش ان عندنا واسطة وكمان عندنا عيال بيحفظوا المنهج ويدخلوا يجيبوا تقديرات عالية


امنيتى ان مصر تكون الاحسن وعندى امل فى ده كبير جدا

انا عايز اقولك ان شعبتي عددها 15 طالب وطالبه
نصهم علي الاقل حفيظه
بس مش دي المشكله
المشكله مين الاقدر علي اثبات كفائته
وغير كده انت تبص للنص الفاضي علشان تملاه لما تتاكد ان النص المليان يعتبر
اساس متين تقدر تعتمد عليه
ولازم نبقي متفائلين وبرضه لازم نعرف قيمة نفسنا
احنا مش شوية غجر ذي اي شعب
لا متنساش ان احنا عملنا سد من اعظم سدود العالم
اللي كان السبب في رخائنا
في وقت الدنيا كلها حاربتك بسببه
يعني انت تقدر تعمل اللي انت عايزه بمزاجك
ذي ماتقدر تتفاهم مع الدكاتره (لو انتم اثبتوا جديتكم معاهم )
وعلي العموم احنا لازم نعمل اللي علينا
نبدا بنفسنا
يعني نصلح سلبياتنا وبعدين نبداء نصلح القريبين مننا
ولو كل واحد عمل كده
هييجي اليوم اللي سواق المترو يقف عند العلامات
وكل اللي عاوزينه هيتحقق
الموضوع بسيط قوي صدقوني

الله عليك يا le general و الله يابني كلامك داخل دماغي جدا ..

احنا فعلا ناس جامدة و مش شوية فاشلين زي مالغرب يقول علينا او حتى بنقول على نفسنا .. احنا بجد عندنا كل الامكانيات الفكرية و لكن المادية و اهم منها الامكانيات النفسية هية اللي مش موجودة .. للاسف محبطين و معندناش الثقة بالنفس خالص و شاكين في قدراتنا ........

بجد احنا عاوزين صحوة كبيرة قوي و احنا نبقى احسن شعوب العالم بس بشرط الكل يغير من أداءه و سلوكه اذا كان غلط ...

ان الله لا يغير ما بقوم حتى يغيروا ما بأنفسهم........... يعني احنا لازم نتغير بجد و نحط اعتبار للوقت و المال اللي بنضيعه من غير اي لازمة ..

تعرفوا مثلا ؟؟ ان عندنا الموظفين بينجزو بس 10 دقايق من العمل اللي هما قاعدين عليه اليوم كله و قارفين الناس في عيشيتها ..... برة بقة بينجزوا من الـ 12 ساعة 10 ساعات يعني ساعتين بس بيفقدوا و دي حاجة خارجة عن إرادتهم ....

تخيل احنا بننجز 10 دقايق و هما 10 ساعات .... بالذمة مش حاجة تكسف ؟؟؟ !!!

تعالى لحته التفكير و تشغيل الدماغ ........
هتلاقي ان اذكى ناس في البلد و اكثرهم عبقرية بيشغلو بس 5 % من دماغهم تخيل و الـ 95 % الباقيين مش شغالين و طبعا من المفترض ان الناس دول هما اساتذة الجامعات .

تخيلتو ؟؟؟؟ 5% اقصى حاجة عند أذكى ناس عندنا ..
فالغرب بقة عندهم بيقدرو يشغلو دماغهم 100 % بالرغم ان احنا اذكى منهم جينيا يعني لو لقينا طرق التعليم الصح و التربية العلمية الصحيحة و الله نتفوق عليهم و نحط رجل على رجل و نبقى احنا مثلهم الاعلى ... بس لو نتعلم صح !!!!

شوفتو اد ايه احنا في ماساه ... عندنا الامكانات الفكرية و لكن مش موظفينها صح .........ز يلا الحمد لله على كل شى و يا رب نبدأ من دلوقتي و بنفسنا ... و على الله قصد السبيل

في الختـــــــــــــام الســــــــــــــلام ....
و مع تحياتي لكل من le general و eng_medo و taghreed و adm و aisha و كل الاعضاء المحترمين

يا جماعة ........ مشكلة مترو الانفاق دي انا متهيألي مالهاش حل ..

تعرفوا انهم لغو حكاية ابواب الطلوع و النزول دي و فعلا لان الناس عمرها ما هتعرف تروح من الباب ده للباب ده من كتر المترو ماهو زحمة ....

و لكن انا بقترح حاجة و الله لو تتنفذ في الخط الجديد و هي انهم بدل ما يخلو المترو اتجاهين و رصيفين عن الناحيتين يخلوه اتجاه واحد بس و رصيفين بحيث يبقى رصيف للطلوع و التاني للنزول و طبعا يعملو نفس النظام في الاتجاه المقابل ...

لو تركزو يا جماعة هتعرفو ان زحمة المترو دي ليها فوايد كتير ...
فهي تقوي من رابط الشعب المصري و تعمق علاقات الاخوة بين المواطنين و كل مواطن بيحس ان كتف اخوه المواطن في كتفة و تبقى مليطة ....

من الاخر الحكومة بتعلم الشعب انه يكون زي البنيان المرصوص ( يزق ) بعضه بعضا
و الله انا بحس ان لو واحد حرك دراعه في اول عربية المترو لتلاقي اخوه المواطن بيحرك دراعه في اخر العربية من كتر الزحمة ..... يا ساتر
هههههههههههههه تحياتي و شكرا على المشاهدة و يا رب يكون كلامي خفيف عليكو

هههههههههههههههههههههههههههههههههههههههه
جااااااااااااامد و الله

الله ينور عليك يا دوك
بس هو فسه ملحوظه ان هما مابيشتغلوس بجديه برضه
ايه يعني 10 ساعات
اكيد مش هيكون ذي الشغل بتاع هنا
واحنا مميزين فعلا بحاجات كتير
لعلمكم احنا من الشعوب المثقفة الخبيره جدا
مثلا
اسال اي حد في الشارع عن الكوره هيجاوب
عن السياسه هيجاوب
عن الاقتصاد هيجاوب
عن الفضاء وعلومه هيجاوب
عن اي علم معروف او لسه ما اتعرفش برضه هيجاوب
يبقي ايه اللي ناقصنا


بالنسيه للمترو
الحمد لله ان الناس مابتفكرش ذيك
والا كانت الدنيا خربت

كلامكوا جميل اوووى والله بس والله احنا شعب كويس وجميل وطيب بس فينا عيوب لازم تتتغير اكيد هتتغير مع الزمن اكيد ان شاء الله ولازم نعرف احنا البلد الوحيده الى فيها امن وامان
والله المستعان ونكون احسن ناس واحسن شعب

ميرسى aisha و eng_medo و le general و نسمة و كل اللي شارك في الموضوع

شكرا على امنياتكم

واتمنى ان يكون ليكم امنيات تانيه اكيد لازم تعرفونا بيها

ايه ما حدش عنده اماني تانيه خلاص

كل امنيتنا اتحققت اكيد لسه خش وقول على امنيك واحنا مستنين نعرف ايه هيا امنيتك

انا عاوز اتجوز
ههههههههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههه
ههههههههههههههههههههههه
ـــــــــــــــــــــــــــــــــ
ادم

طبعا دي كانت امنياتنا

نحب نعرف امنيات الاعضاء الجدد في المنتدى