تعالى نفكر شويه

فى حاجات كتيرة اوى فى حياتنا محتاجه تفكير ودراسه جامدة اوى كمان وهايكون فيها فيها اراء كتيرة اوى
ممكن يكون واحد عندة المشكله ديه وممكن لا
الهم انا هاطرح مشكله من المشاكل الكتيرة اوى ديه وياريت ارائكم فى كيفيه حلها
ليه مافيش تفاهم بين الاب وابنه , ليه دايما يكون فى حاجز كبير اوى بينهم
هو اكيد ان الاب يعرف كتير اوى عن الابن فى المعلومات والثقافه وفى كل حاجه
بس ليه الاب ما ينزلش لمستوى الابن ,ليه دايما السور الى ما بينهم بيكبر وما بينقص, ليه ما فيش اى حد بيحاول انه يسمع التانى

على ما اعتقد ان المشكله الى انا طرحتها عند شباب كتير اوى فى بلدنا

وانا كل هدفى انى احاول انى اصلح الاسر مش الى مصر , بس على الاقل الى فى المنتدى
والله الموفق
ــــــــــــــــــــــــــــــــــــــــــــ
ادم

اعتقد ان المشكلة ان كتير من الاباء معتقدين ان دى الطريقة الامثل للتربية بحيث انها تحفظ له هيبتة امام اولاده حتى لو كبروا يظل له هيبة الاب
وان كان هذا غير صحيح تماما لان التفاهم وكون الاب صديق لابنائة هو الى بيحفظ له الحب فى قلوب ابنائة
واحنا كابناء نحاول نقرب منهم ونحسسهم باهميتهم فى حياتنا واهمية وجودهم جمبنا ومعانا دة جايز يخليهم يقربوا اكتر مننا
ومرسى اوى ادم على مواضيعك مستنية دايما منك الافضل

ميرسى جداعلى ردك يا AISHA وكلامك مظبوط 100/100
وانا شايف ان ممكن يكون الاب اتربى على كدة ان ابوة الى هو جدك كان شديد اوى وهو طلع حاجه حلوة فقرر انه يكون زيه شديد مع انى انا شايف غير كدة ان اهم حاجه هو وجود لغه اسمها لغه الحوار بين الاب وابنه وبوجود لغه الحوار هاتكون الاسرة كلهااسرة مرتاحه نفسيا وسعيدة جدا
وياريت اسمع ارائكم واسمع اقراحاتكم ولما نوصل للاقتراح الصح ونحط ايدينا على النقطه الغلط الى بينا (الاباء والابناء) ونحاول اننا نشوف النقطه الى ممكن تربطنا ببعض واساس المشكله اكيد هانوصل للحل بكل سهوله
ــــــــــــــــــــــــــــــــــــــــــــــــــــــــ
ادم

كلمكم كله جميل بس برضه متنسوش فرق العمر والزمن وتغير الحياه كل ده لازم تعتبره فى حسابتنا دائما الاب بيحب يربى ابنه مثل ماتربى ولو الابن عارض بسسبب اختلاف الاراء والتفكير يعتبره انه ولد عاصى ويغضب منه لكن لو الاب قرب منه وعرف ليه هو اعترض وتفاهم معه بالحوار والاقناع اكيد هيبقى فى حل ان شاء الله

والله انتى كلامك صح بس احنا لقول ليه الاب ما يقربش للابن ليه دايما فى حاجز
ــــــــــــــــــــــــــــــــــــــــــــــــــ
ادم

طب ازاى نوجد لغة الحوار؟ لو اخذنا نظريات ديل كارنيجى مثلا فى التعامل مع الاخرين تفتكروا تنفع؟؟

بصوا يا جماعه احنا مفتقدين لغه الحوار بين الاب وابنه وده بيرجع لحاجات كتير اوي اولها ان الاب بيبقي خايف علي ابنه من اصحاب السوء مثلا فيقلوا او يخصب عليه ش تمشي مع الولد ده لانوا مش كويس بس طبعا الاب بيأمر الابن ليه علشان هوه خايف عليه بس الابن عمروا ماهينفز ده لانوا شايف انوا مخصوب علي كده فلو الاب معود ابنه من الاول علي انوا يحكيلوا كل حاجه بتحصل بينوا وبين زمايلوا بس يعودوا علي كده من صغروا يبقي كده الولد هيبقي صاحب ابوه من البدايه
وفي حاجه كمان الجيل بتاعنا مختلف عن الجيل بتاع زمان يعني احنا جيل عاوز كل حاجه بسرعه وشويه مهملين وطبعا الب عاوز انظام والترتيب وعاوز تبق كل حاجه صح وكل حاجه في اماكنها ويزعق علشان ايه نبقي المفروض نخاف وندفادي الزعيق ده وانا عن نفسي بكرررررررررررررررررررررررررره الزعيق مووووووت وبابا علي طول بيزعق علي اي حاجه حتي لو اتافهه هوه يمكن انا ببقي شيفاها تاففهه بس هيه بالنسبالوا كبيره
ونرجع ونقول في الاخر هما بيبقوا خايفين علي اولادهم بصراحه الجيل ده سوري جيل ......... بتاع ........ ومن حق الاباء انهم يخافوا علي اولادهم
بس في النهايه بقي المفروض ان اي شاب قابل علي الزواج يبقي يخلي بالوا انه لازم يكون صداقه مع ابنائه مش يعمل زي ما اتعمل فيه ويقول اهلي ربوني كده ومطلوب كمان من الاباء لو يقدروا ينزلوا لدرجه تفكير او يحاولوا يشوفوا ابناهم بتفكر ازاي وييقربوا منهم شويه يبقي عملوا حاجه كويسه اوي وبرضوا الاولاد المفروض يساعدوا اباهم يعني مش يديقوا ان ابوهم هيقرب منهم
كونوا علي درااااااااااااااااااايه تاااااااااااامه ان الاباء يخافوون علي ابنئهم ويريدونهم احسن منهم




وتحياتي لكم الشابه الصغيره تغريد

انا عندى رأى مختلف شويه
بيتهيئلى لازم الاب يكون ليه اليد العليا فى الامر ويكون له سلطه قويه لاتخاذ القرار
كمان عاده الابن بيكون مستعجل كتير لممارسه رجولته اللى بدأ يحس بيها وهنا بيحصل شئ من التضاد
لازم الابن يسمع كتير .......كمان الاباء لازم يعرفوا ان ابنائهم الصغيريين كبروا وبقا ليهم رأى وفكر مستقل
مش صح الحجر على عقولهم لمجرد انهم ابنائه
فيه مثل عالمى بيقول انه هناك داءما حلقه مفقوده بين الاب وابنه
ومتى كانت هناك علاقه سليمه فى الدنيا ولم تفتقد لشئ
المهم هوا ان ازاى الانسان يقدر يواكب اموره وما يخسرش حاجه وميتعبش نفسه عشان يعيش حياه هاديه وجميله

ميرسى جدا على ردك shreef boss و توتى و aisha
والله انا شايف ودة راى ممكن اوى انو يكون غلط وممكن يكون صح
ان الاب دايما يومر والابن لازم انه يطيع انا مابقولش ان الابن مش هايطيع لا دة لازم بس كمان هو مش فى جيش انه حياته كلها اوامر
ممكن يكون الاب شايف ان ابنه لسه عيل ممكن يكون كبر وصعب على اى حد كبير انه يتعامل معامله واحد لسه ماتعلمش انه شيل مسئوليه ولو حتى مسئوليه نفسه وتصرفاته
انا شايف الحلقه الى ضايعه هى حلقه الصداقه زى ما قال عمر خالد فى( الجنه فى بيوتنا ) لو وجدت هاتكون اكتملت الدائرة
دة مجرد رآى مش اكتر
ـــــــــــــــــــــــــــــــــــــــ
ادم

رايك صح يا ادم جدا
واكيد احنا مش لازم نعيش اوامر
لاكن المفروض ان الاب يناقش يعنى يطلب من ابنة ويكون لابنة حق المناقشة والاقتناع

دة فعلا وانا مئيد رايك جدا يا عيوشه